Main Page

இ ந்த மூடிக்குடியே கூட மணங்களைப் பகுத்தறியவியலா கோதையின்  நுகர்சிப்  புலன் சார்ந்த ஒரு குறைபாடு காரணமாகத்தான்  சாத்தியப்படுகிறது. வயிற்றினுள் மெதுவான வன்கோரத்துடன் விரவிப்பரவுகின்ற கச்சைச் சாராயம் விருவிருவென உட்கிரகிக்கப்பட்டு குருதியில் கலந்து நாசிவழியே கசிந்து நாறிக்கொண்டிருந்தாலும் வீட்டிற்குள் சத்தமில்லாமல் போய்ப்  புழங்க முடிகிறது. சில மூடிகள் அதிகமானால் அதற்கும் வினை.  வீட்டில் குடிக்கத்தொடங்கியவனை சில முறை எச்சரித்தும் கேட்கவில்லை. உனக்கு என்னடி தெரியும் ஆபீசுல எவ்ளோ ப்ரச்சன தெரியுமா? சரக்கடிச்சா எவ்ளோ ரிலாக்சா இருக்கு தெரியுமா? என்றுவிட்டு நடு நடுவில் எமொஷனல் ரொமான்ஸ் கொடுத்தான். அது அவளுக்குப் புரியவே இல்லை.  ஆனால் அதில் ஒருவித  ஒருவித கிக் இருந்தது. அட இது புது மாதிரி இருக்கிறதே என்று முதலில் ரசித்தவள், இவன் ரொம்ப ஓவராகப்போகவே, ஊரில்  உள்ள  சில அக்காள்களிடம் போன் செய்து கேட்டிருக்கிறாள். அவர்களே குடி கிராஜுவேட் ஆகிப் பலவருடங்கள் ஆகின்றன. குடல் கறியுடன் ஊறுகாய் நக்கிகொண்டே ஒன்றரை குவாட்டர் அடித்துவிட்டுப் புருஷனுடன் ஜாலி ப...

கோ வைச் சம்பவம் கடும் மன உளைச்சலைக் கொடுத்தது. இத்தனை நடந்திருக்கிறது கடந்த ஒன்றரை வருடங்களில், ஆனால் அந்தக் குழந்தைக்கு நடந்த கொடுமையைப்பற்றி யாருக்கும் எந்தக் கவலையும் இல்லாமல் அந்த ப்ரின்ஸிபல் ஈத்தரை உடனடியாக போலீசுக்குப் போகாமல் அவளை கவுசிலிங் என்ற பெயரில் தாங்கொனாக் கொடுமைக்கு ஆளாக்கி இருக்கிறாள். இதைச் செய்துவிட்டு தினமும் அவளுக்கு எப்படி சோறு இறங்கியது என்று தெரியவில்லை. கூட இருக்கும் சிறுவனுக்கும் கூட பாவம் என்ன செய்வது என்றே தெரியாமல் இதெல்லாம் வெளியே சொல்ல முடியாமல் திருடனிடமே நியாயம் கேட்கப்போனது மாதிரி அந்த பிரின்சிபால் தடிச்சியிடமும் அந்தக் காவாலி வாத்தியான் பெண்டாட்டிடமும் போய்ச் சொல்லியிருக்கிறான். அவளும் இவனை பொத்திப் பொத்தி காப்பாற்றி இருக்கிறாள். அவள் இம்மாதிரி protect பண்ண வேண்டிய காரணம்? இவனிடம் இருக்கும் ஒரு மொன்னைச் சாமானும் இவன் போடும் இரு வேளை சோறும்! தூ என்ன சமூகம் இது?  இவன் அக்காரியத்தை செய்ய எத்தனிக்கும்போதே தேவுடியா மவனே என்று பாய்ந்து அவன் ஜட்டிக்குள் கையை விட்டு கொட்டையைப் பிணைந்து பசை செய்து இவன் பொண்டாட்டிக்குப் பார்சல் செய்திருந்தால், சாமான் போன நப...

  மா ர்ட்டின் க்ரோ, மார்க் க்ரேட்பேட்ச் மட்டை இரட்டையர் மற்றும் கெவின் லார்சன், டேனி மோரிஸன் பந்துவீச்சு இரட்டையர் என்று அந்தகாலத்திலிருந்தே யாம் நியூஸீலாந்து அணியின் தொடர் விசிறி. 90களில் இங்கு வந்து சுழற்பந்தில் திணறி அடிவாங்கித் தோற்று ஊர் சென்று, பிறகு துணைக்கண்ட அணியினரை நீங்கள் இங்கு வாருங்களடா  என்று அழைத்து அப்போதுதான் அறுவடை முடிந்த நெல்வயல் மாதிரி இருக்கும் ஆடுகளங்களில் விட்டு பந்துக்கிண்ண மூட்டுகளையும் விலாக்களையும் வேலை பார்த்து அனுப்புவார்கள்.  இந்தியாவின் மிக முக்கிய ஒருநாள் உலகக்கோப்பை எதிரி! 99 இல் சூப்பர் சிக்ஸில் ஜிம்பாவேவுடன் தோற்ற குற்ற உணர்வுடன் குமுறிக்கொண்டிருந்த இந்திய அணியை சூப்பர் சிக்ஸிஸ் 250+ ஓட்டங்களை அனாசயமாக அடித்து வெளியேற்றியது. இருபது வருடங்கள் கழித்து வரலாறு திரும்பவுது போல், 2019 இல் மறுபடி அரையிறுதியில் இருந்து அடித்து விரட்டியது. 2003 இல் ஜாகீர் கான்  திடீர் வாசிம் அக்ரமாக அவதாரம் எடுத்து நியூஸிலாந்தை மிரட்டி வெளியேற்றி ஆறுதல் அளித்தார்.  என் வாழ்நாள் கனவே நியூஸீலாந்து ஒருநாள் உலகக்கோப்பையை வெல்வது என்பதுதான். சென்ற முற...

இ துவரை போட்ட பதிவுகள் அனைத்துமே உட்கார்ந்தால்  ஒரே சிட்டிங்கில் பரபரவென அடித்து ஒரு மாதிரி தேறி வந்ததுமே மேலோட்டமாக ஒரு மேய் மேய்ந்துவிட்டு அப்படியே பதிவேற்றியிருந்தேன். ஒரு சிலவற்றை சில நிமிடங்கள் கழித்து கொஞ்சம் லேசாகச் செப்பனிட்டதும் உண்டு. ஆனால் சென்ற அமெரிக்க தீபாவளியும் த்ரிநாரீ நர்த்தனாவும் என்ற பதிவை மட்டும் ரொம்ப நேரத்திற்கு திரும்பிப் பார்க்க மனமே வரவில்லை. எழுதி முடித்தபிறகு கழிவிரக்கம் காரணமாக கிட்டத்தட்ட அழுதே விட்டேன். பின்னே? பிள்ளையார் சுழி போட்ட அடுத்த நொடியே  ராஜி வந்து என்ன எழுதிக்கொண்டிருக்கிறாய் என்று ரொம்ப ஆர்வமாக சிரித்துக்கொண்டே கேட்க, நானும் ரொம்ப வெள்ளந்தியாக டாபிக் இன்னதுதான் என்று காது வரை இளித்துக்கொண்டே சொல்லித்தொலைத்து விட்டேன். பொறி வைத்துப்பிடித்துவிட்டாள் கெரகம். ஒரு அக்ஷரம் தமிழ் தெரியாவிட்டாலும் நான் என்னவெல்லாம்  எழுதுவேன் எப்படியெல்லாம்  எழுதுவேன் என்று என் மூஞ்சியைப் பார்த்ததுமே எப்படித்தான் கண்டு பிடிக்கிறாளோ தெரியவில்லை. அறவே எழுதக்கூடாது. உன்னால் எங்களையும்  ஜட்ஜ் பண்ணுவார்கள், outcast பண்ணிவிடுவார்கள் என்று ஒரே அடம். ...